请问: 广东话话人做 [ 擦鞋仔] 系代表乜野意思 ?

行业 [编辑] 喺以前嘅旧社会或者系现今某啲发展中国家，随时喺街度见到一啲拎住擦鞋箱，膊头搭住条毛巾嘅擦鞋从业员，当中以细路仔最多（所以又叫佢哋做「擦鞋仔」），只要畀少少钱（讲紧可能只系搭程巴士嘅价钱）就可以将对鞋擦干净，好多要赶住去饮或者要见客嘅人，有名流绅士商行大班，亦都有普通打工嘅白领一族，当喺街度听到有人大叫「擦鞋！擦鞋！Shine Shoe！Shine Shoe！」都乐意停低连鞋带脚摆上个鞋架度畀擦鞋仔擦一擦。 生财工具 [编辑] 擦鞋者嘅谋生工具好简单轻便，基本上会有一个简陋嘅木箱，入面装住有几种颜色嘅鞋油、鞋蜡，重有鞋刷、海绵…等嘅用具，再加上一块抹布用嚟打蜡，因为咁轻松方便，佢哋揾食就可以好流动，去到边度都可以开工，尤其是喺一啲大酒店西餐厅附近，?度分分钟有好多商贾大班绅士淑女出入，遇着啲阔佬手松松随时有多啲贴士醒，到时咁多同行喺度争生意，要第一时间抢到个阔佬客就梗系要跑得快，再讲万一俾人赶嘅时候要散水都唔使鸡手鸭脚执餐懵，走鬼都快啲。 阶层观念 [编辑] 一般社会嘅睇法 [编辑] 话做擦鞋嘅人大多数都系细路仔，主要原因系因为擦鞋嘅时候要踎喺度乌低身咁做，要抬高头先望到个客，俾人觉得好低下卑微，有返多少自尊嘅大人都唔愿意咁卑躬屈膝，而且收入亦都极之微薄，只为赚多一个几毫生活费，随时重要走鬼走得快，所以基于细路仔唔做得啲咩太过操重劳力嘅工作，喺心理上亦唔会有咩所谓嘅情况底下，贫苦嘅家庭都会叫屋企嘅细路出去做擦鞋帮补家计；又基于以上呢种贫富悬殊同埋阶级观念底下，擦鞋行业基本上被社会视为最低层嘅行业之一，所以喺以前嘅中国香港，好多阿妈教仔都会同个仔咁讲：「如果你唔畀心机读书，第时大个咗冇用就要去街边做擦鞋仔！」，或者吓个仔：「如果你唔听话就唔要你，等你去街边做擦鞋仔自生自灭！」。 《擦鞋童理论》 [编辑] 关于擦鞋仔，喺股票市场入面流传住一个所谓《擦鞋童理论》，虽然同呢个栏冇乜直接关系，但系就多少有啲阶级观念嘅影射，不妨做少少简介。 呢个理论本身有个故仔，而佢带出嚟嘅意思系话：若果连街边帮人擦鞋嘅细路都问股票消息，连低下阶层嘅人都一类堆咁去玩股票嘅时候，即系表示金股市场嘅气氛已经去到全民皆股嘅过热地步，随时会因为呢吓嘅疯狂而出现爆破危机，作为劝谕投资者小心嘅启示。 衍生嘅意识形态 [编辑] 基于以上原因，擦鞋亦俾人冠以等同于「托大脚」、「拍马屁」嘅讨好行为；如果有人想通过讨好佢嘅上司或者其他畀到好处嘅人嚟对佢多加关照，等佢嘅事业或者生意顺顺利利，升官发财，总之系想得到多少着数，就会俾人话佢系「擦鞋仔」；所以做呢种行为嘅人好多时亦会招嚟其他人嘅白眼，可能基于「食唔到嘅葡萄系酸嘅」呢种唔抵得嘅心理关系，又或者对?个人有偏见，会觉得要出卖自己嘅尊严，向人卑躬屈膝嚟换取好处系好 *** 嘅行为，人格方面重低下过以前旧时代从事擦鞋行业嘅人。喺今时今日，重引申出更加绘形绘声、更尖酸刻薄嘅词语，就系话人「舐鞋底」，呢个词语听上嚟比起擦人鞋更冇自尊，更不知羞耻。 讽刺嘅作品 [编辑] 喺1986年，中国香港知名男填词人黎彼德填咗一首名为《擦鞋仔》嘅歌，将擦鞋呢种意识形态生鬼咁表现喺歌词上面，令听嘅人会心微笑。呢只歌系由中国香港著名男歌手许冠杰所主唱，作曲人系中国香港男作曲家伦永亮，收录喺许冠杰嘅个人专辑【热力之冠】入面，由新艺宝唱片有限公司发行。以下系呢首歌嘅歌词节录： 《擦鞋仔》 主唱：许冠杰 作曲︰伦永亮 填词︰黎彼得 「系系系日夜猛吠　扮吓矮仔冇乜计 　望清楚擦嘅对象　落力擦靴讲手势 　你斗气全无实际　盏得你气坏个胃 　擦擦擦摇头拧髻　无谓计地位 　系系系日夜拜跪　事业畅通讲交际 　易办事就要虚伪　焗住要颈灯芯咁细 　有个性前程尽废　?阵你喊亦无谓 　有性格豪门自闭　咪赖时运太滞 　出力擦　分分钟都采用心理攻势 　出力擦　分分钟不浪费全凭造诣 　出力擦　分分钟将树枝变咗玉桂 　出尽力擦　求名利　偿志愿　望有天一朝威威」
参考: ***
乜你唔知礼宾府入面有好多来自北方的皮鞋吗? 但这些他很少擦. 他时时刻刻都在擦800对鞋
要履行[选举承诺]!!

扩展阅读：广东话 官话 亲缘关系 ... 广东话 浪仔 什么意思 ... 广东白话 常用语 翻译器 ... 广东话 大嚄 ... 广东话 带咩 ... 粤语厉害 叻 怎么打 ... 广东 为什么叫靓妹 ... 妹猪 广东话 粤语 ... 请解释 品牌 的含义 ...